Til ykkar elskurnar mínar sem vantar hjálp, þá get ég bent ykkur á að;
Hjá Geðhjálp er starfandi ráðgjafi að nafni Hannes J. Eðvarðsson, sem menntaður
er sálfræðingur og félagsráðgjafi og tekur m.a. á móti fólki til úrlausna á
málum þeirra.
Þetta er ráðgjöf í sem víðustum skilningi til handa þeim sem
ekki eru að fá þá lögbundnum þjónustu sem kerfið okkar á að sinna og eða
leiðbeinandi um hvaða leiðir skuli fara.
Hjá Geðhjálp er starfandi sálfræðimenntaður ráðgjafi. Geðhjálp er einnig í samstarfi við félagsráðgjafa frá Velferðarsviði Reykjavíkurborgar. Hægt að panta tíma hjá þessum aðilum á skrifstofu Geðhjálpar eða með því að senda tölvupóst á gedhjalp@gedhjalp.is. Hjá Geðhjálp eru líka starfandi sjálfshjálparhópar.
1717 Hjálparsími Rauða Kross Íslands
Síminn býður upp á ókeypis þjónustu og ráðgjöf allan sólarhringinn fyrir þá sem eiga við andlega örðugleika að stríða eða eru í sjálfsvígshugleiðingum.
Jónas Helgi Eyjólfsson ráðgjafi, Stoð og styrking.
Liðsmenn Jerico
Eru að koma á fót sjálfhjálparhóp þar sem uppkomnir þolendur eineltis gætu komið saman með leiðbeinanda og talað um sínar tilfinningar og líðan. Ég vona að ég geti auglýst fundina strax í næstu viku. Þörfin er mikil, ég veit það.
