Kramhúsið býður upp á ýmis námskeið fyrir börn
frá 3ja ára aldri.
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
Tónlist-og hreyfing
3 ára, 4 ára og 5 ára (þrír aldurshópar)
Tónlist og hreyfing á að vera eðlilegur þáttur í lífi hvers barns.
Á hverju námskeiði er lögð áhersla á almenna þjálfun á sviði tónlistar sem gefur barninu tækifæri til að upplifa tónlistina í sjálfu sér og í umhverfi sínu. Margar leiðir eru farnar til að nálgast viðfangsefnið s.s. í gegnum hlustun, söng, sögur, hreyfingu, ryþma og spuna.
Kennarar eru þær Elfa Lilja Gísladóttir og Nanna Hlíf Ingvadóttir, tónlistarkennarar en þær eru báðar með meistaragráðu frá Carl Orff Institut í Austurríki.
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
Tónlistarleikhús 6-7 ára
Unnið verður á skapandi hátt að tónlistarleikverki. Stuðst verður við sögu-/myndabók og leikverkið unnið í gegnum tónlist, hreyfingu/dans og leikræna tjáningu.
Kennarar: Elfa Lilja og Nanna Hlíf.
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
Dans 7-9 ára
Lauflétt dansblanda – Afró, Hip Hop og fleira í bland við leiki og hreyfingu.
Kennari: Sandra
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
Jazz hjá Evu Rós
10-12 ára. Einu sinni í viku, á föstudögum.
Frábærir danstímar þar sem kenndir eru nýjustu dansarnir sem eru vinsælir hverju sinni.
Kennari: Eva Rós
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
Jazz hjá Evu Rós
13-15 ára. Einu sinni í viku, á föstudögum.
Frábærir danstímar fyrir stelpur sem elska að dansa.
Kennari: Eva Rós
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
BREAK Dans
8 ára og eldri
Krakkar á öllum aldri geta lært Breakdans. Hópnum er skipt eftir aldri og reynslu en Breakdans er bæði fyrir stráka og stelpur. Natasha hefur kennt Breakdans í Kramhúsinu í mörg ár en hún leiðir einnig sýningarhópinn 5th Element sem hefur keppt víða og náð miklum árangri.
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
HIP HOP Krump
Einu sinni í viku fyrir yngri nemendur, 10-13 ára.
Tvisvar í viku fyrir eldri nemendur 14-17 ára, á þriðjudögum og fimmtudögum, kl. 17:00.
Hip Hop er upprunnið í New York og Krump er nýjasti stíllinn frá South Central LA. Áhrif frá afrískum dansi og öðrum Hip Hop stílbrigðum, stundum kallað “West Coast b-boying”. Krump er aðferð til að losa sig við reiði og áhyggjur daglega lífsins með agressívum hreyfingum.
Kennari er Sandra sem hefur dvalið um árabil í New York.
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
Leiklist
9-11 ára og 12-14 ára (tveir aldurshópar)
Á þessu námskeiði er lögð áhersla á að virkja leikgleði og sköpunarkraft hvers og eins.
Markmiðið er að þroska persónuleika einstaklingsins, samstarfshæfileika og öryggi. Aukið sjálfsöryggi bætir alla líðan!
Kennarar eru Aðalbjörg Árnadóttir og Magnea Valdimarsdóttir – báðar útskrifaðar úr Leiklistadeild Listaháskóla Íslands.
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
Kramhúsið er aðili að Frístundakortinu!
Allar nánari upplýsingar um Frístundakortið má finna á www.itr.is
